Songtext

GRANT

Da Bauer hat a alte Melchmaschin
De bringt ihm nix weil de isch schun lang hin
Die Kiah im Stall de ham die Euter gschwolln
Die Bäurin kann die ihrig‘n ausrolln

A jeder kennt des Gsicht vom Präsident
Er hat an Schrumpelkopf und schiache Zähnd
So muaß halt jeder Mensch sei Packtl trogn
Und wos mei Packtl isch wea i enk sogn

I hab an Grant – den liabn langen Tag
I hab an Grant – weil mi koaner mag
I hab an Grant – mei isch denn des a Plag
I bin a hoffnungsloser schwarer Querulant – I hab an GRANT!!!

Da Wirt der hat a Doppelkinn-Problem
Kann ohne Händ sein Schädl nimma hebn
Da Pfarrer hat is Kreiz mim Zölibat
Obwohl er gern an jungen Lover hatt‘

Die Treasl hat an Mann der allweil stinkt
Der Bürgermoaster eine Frau de hinkt
Ihr Chihuahua hat an Ringelschwanz
Des gleiche Problem hat a der Franz

Auf die Weiber, auf Proleten, auf Politiker und Pfarrer
Aufs Finanzamt, auf Computer und auf schlechte Autofahrer
Auf mein Schädl, auf mein Dödl, auf Gefühle und auf Kraut
und oanfach überhaupt…

Hab I an Grant – den liabn langen Tag
I hab an Grant – weil mi koaner mag
I hab an Grant – mei isch denn des a Plag
I bin a hoffnungsloser schwarer Querulant – I hab an GRANT!!!