Songtext

FÜR DIE FISCH

Am Patscherkofel obn, da hockt a kloaner Fisch
Und alle fragen sich wie er do aui kemmen isch
Geah fragts mi nit, i woaß es nit, i kunns enk a nit sagn
Vielleicht isch er mim Bahnl aui gfahrn

Da unten in mein Gartenteich do schwimmt a toter Fisch
Und alle fragen sich wie er zu Tode kemmen isch
Vielleicht isch er ersoffn oder er brach sich ein Bein
Es kannt ja a a Selbstmord gwesn sein

Aber mir isch des alles ziemlich wuascht, weil i echt nit alles wissen muaß

I sieg des realistisch – es isch halt so wias isch
I sieg des realistisch – und des Liad isch für die Fisch
Für die Fisch!!!

Da drübn um die Eggn da arbeitet der Ralf
Er hat an kloanen Laden für Aquariumsbedarf
Vo Pump’n über Filter bietet er dort alles an
I glab dass man a Fische kafn kann

Da Ralf der isch gar nit so bled, wie du vielleicht denksch
Ihm woan die Fisch schun allweil lieber als a jeder Mensch
De redn nix und schaugn lei bled, da steaht da Ralfi drau
Weil ganz genau aso isch a sei Frau

Und dem Ralf isch so ziemlich alles wuascht, weil er echt nit alles wissen muaß

Er siegt des realistisch – es isch halt so wias isch
Er siegt des realistisch – und sei Leb’n isch für die Fisch
Für die Fisch!!!