Songtext

TIROLERBUA

Im Stall drein hockt a Bua der teiflisch reat
Er hat gschluchzt als wia a Madl, i hab’s gheat
Sei Freindin de isch oghaut mitm Joe
Er hat sie wild gebusslt im Büro

In Herrgotts Namen, her iatz au zum Rean
Des will koener segn und koener hearn
Wenn a richtiger Tiroler bisch – steah au
Und denk decht nimmer an de blede…

Saufen isch die beste Medizin
Seine Briader schleppen ihn zum Gasthaus hin
Nach siebzehn Bier und literweise Schnaps
Liegt der Bua am Boden und speibt sich auf sein Latz

In Herrgotts Namen, her iatz au zum Speibn
Des will koener segn, na des muaß nit sein
Wenn a richtiger Tiroler bisch – steah au
Und schlag dem Joe die Pappn grian und blau!

Jodler

Der Bua wacht au mit eingegipste Händ
Ihm fahln a Lunge und a drei, vier Zähnd
Weil was er no nit gwisst hat von dem Joe
De Krätzn kann tasächlich Taekwondo

In Herrgotts Namen, her iatz au zum Sterb‘n
Es sich no zu friah, tret no nit vor den Herrn
Wenn a richtiger Tiroler bisch – steah au
Und wenn stirbsch dann sicher nit wegen oaner Frau – Na!